2014 елда үзләренең печтек кенә пенсияләренә кечтек кенә хезмәт хакы өстәп, тормыш йөген тартып баручы пенсионерлар башы өстендә күк күкрәп яшен яшьнәде: аларның пенсияләре индексацияләнми башлады. Федераль хөкүмәтнең бу гамәлен пенсионерлар “йотты”: беркем дә протест белдереп мәшәкатьләнмәде. Булдыра алганнар “күләгә”гә күчте дә, шыпырт кына хезмәт хакы да алып, пенсияләрен дә индексацияләп яши башлады.
